يامى وحشتينى

موضوع: يامى وحشتينى الإثنين مايو 10, 2010 2:11 am

[ندعوك للتسجيل في المنتدى أو التعريف بنفسك لمعاينة هذه الصورة]

وحشتينى

اشتقت
يا امى لرؤياكى
وعارف
ان الشوق
قبل
ما يكوينى كواكى
كان
مالى ومال الغربة يا ربى
لاكانت
على هوايا يا امى ولاهواكى
صدقينى
ما نسيتك لحظة
ولا
غبتى يوم عن بالى
دايما
قدام عينى
و
برضه واحشانى طوالى
مش
ناسى يا امى لما حضنتينى
حضنك
طقطق لى ضلوعى
خلى
عنيا تنسى دموعى
خلانى
قبل ما اسافرافكر فى رجوعى
وانا
لسة بين درعاتك
مشتاق برضه تضمينى
عارفة
يا امى لما حضنتينى
حضنك
قالى كلام
عمرك
ما قولتيه بينك وبينى
مش
ناسى طلة عينك يا امى فى عينى
لما
وقفتى قدام الباب تودعينى
ودعاكى
ودموعك بتصلى
تسافر
يا وليدىوترجعلى بالسلامه
قبل
ما اخطى بره الباب وحشتينى
وبنات
البيت حواليكى
ساكتين
زى سكوتك وسكوتى
دامعين
ويطبطبوا عليكى
زى
اللى جايين يعزوكى فى موتى
هما
فى حالة وانت فى حالة
عينك
شاخصة على
وانا بسلم ع الرجالة
عاوزة
تهمى وتانى ف حضنك تاخدينى
وقبل
ما احط رجلى فى العربية
ناديتى
على وفى ايدك يأمى كوباية المية
وزى
ما بيقولوا ياعالم
اللى
يشرب منها وهو مسافر
يرجع
لها تانى سالم ومتعافى
بس
عارفة يا امى
الكوباية
كانت مليان حنية
مع
انك مش اول مرة تسقينى
اتاريها
كانت شبعانة دمع العيون
دلوقتى
يدوب صوتك فى التلفون
من
غير ما احكى تحسى بجرحى
اسافر
وارجع تانى
وانا
قاعد ف مكانى واقولك مليون مرة وحشتينى
جيت
اعد الايام
قالولى
يوم الغربة بعام
قولت
يا ريتى خدت معاى يأمى
احضان
تكفينى
[ندعوك للتسجيل في المنتدى أو التعريف بنفسك لمعاينة هذه الصورة]