فرعون مصر
المدير العام
الابراج: : 
الأبراج الصينية: : 
تاريخ التسجيل: : 07/05/2010
عدد المساهمات: : 890
عدد النقاط: : 7703
المزاج: : 
الاوسمه: : 
التميز : 
 | | موضوع: قصيدة متستعمنيش لكل انسان ينظر لمن اعيق بعدم البصر بانهو كفيف ولا يرى الأربعاء نوفمبر 10, 2010 4:40 am | |
|
قصيدة متستعمنيش
داخل كل انسان منا رؤيه ........
اذا فقدها.......
سوف يلتمس عطف ........
الاخرين ورحمتهم......
فى عمق ما .......
جميعنا مكفوفيين.........
قصيدة متستعمنيش لكل انسان ينظر لمن اعيق بعدم البصر بانهو كفيف ولا يرى
لو سمحت متستعمنيش
ارجوك وانت بتكلمنى بص فعينى
ومتسرحش
لو عارف انك هاتيجينى بطل تغمز بطل تهمس بطل تلمس راح اشوفك لو حاتغمينى
خليك واضح وارفع صوتك متخبيش
متستعمنيش
ومتفكرش انى انا مش عارفك
لو تتسحب برضو انا شايفك
ليه تستخدم عجزى بحيله انت جرحت عواطفى بعطفك
اوع تكون فاكر نظرك مابيأزيش
متستعمنيش
وانت ياشايف
تعرف تشرح معنى الضلمه ياعم مفتح
لو تسمحلى انا رح اقلك
عارف لما تتوه او تسرح مهما تبحلق مخك فاصل مابيجريش
انا علطول بقى سرحان
فاصل...... تايه...... مش قلقان وده مش يأس دى طبيعتى
عايش بيها وعندى ايمان فمتسرحش
دانت مفتح عيب متجيش
وانا لا كأيب ولا وحدانى ......ولا عايش بالعن فزمانى
بس انا حر لو افضل ساكت ومش من حقك تستعمانى
لو فمكانى
لو فمكانى مش هاتعيش
ومتفكرش اننا مش راضى
او عايش على زكرى الماضى
او مش عايز احس انى اعمى لا دى حقيقه واضحه قصادى
بس اسمحلى
انا من حقى برضو اعيش
دانا انسان لو ناقص عين عندى ودان عندى ايدين عندى لسان
يحكيلك عنى واقدر اقلك تطلع مين انت بعينك لو عمضت
متشفنيش
يبقى متستعمنيش
انا اقدر اشوفك ولو مش جمبى ومش من عندى
من ربى
اللى ادالك نور فعنيك حطلى نورى كله فقلبى
لو غمضنا انا بقى نورى مبيطفيش
انا عايش باسمع فكلام....وادخل فيه زى الاحلام
واعرف مين بيقول من قلبه ......
واعرف مين بيقول اوهام
اصل الضلمه مفهاش هزه ولا تشويش
تعرف لو فتحت ثوانى .... حتى ان كنت راح اتعمى تانى
راح اغمضهم بقى بمزاجى
اصل الضلمه مليا كيانى
راح توحشنى
بس النور مبيوحشنيش
وانا ياحبيبى بحب النور وياما حولت اطيح واثور
انا زيك بالعن فالضلمه
بس الضلمه عندى بحور
مبتخلصش
مهما بأدف مبتمشيش
وهاقلك على حاجه مهمه...اوعى تفكر تلعن ضلمه
انا لو منك
انا لو منك اولع شمعه
شمعه
ممكن تنهى العتمه متكسلش..عافر كافح متخليش
دانا مع انى معنديش شمعه لسه فعينى بقيا دمعه
يمكن ضي الدمعه ينور
يمكن شق الدمعه فيه لمعه
ومابسكتش
بافضل اعيط ولا تضويش
بس هاعيط
بس هاعيط وحدى واخفى
يمكن تضوى ....يمكن تشفى .....
ولو مضوتش ....ولو مشفتش هافضل اعيط مش راح اكفى
متفكرش ان الاعمى ما بيبكيش
متستعمنيش
نفسك تسألنى وملهوف
هو انا نفسى ابقى باشوف
ارجوك اسكت
مش راح اجوبك الفكره بتملانى من الخوف
متكملش
وعشان خاطرى متسألنيش عايز افتح او متعود تفرق ايه مش هاتزود
لو كنت مغمض بمزاجى كنت هاخلى مزاجى يحدد
مبهزرش
لو بمزاجى.....لو بمزاجى كنت مليش
افرح ولا احزن مافرحش..باقوم من نومى ولا افتحش
واقضى يومى زى النايم واما اجى انا م مابغمضش
مبتفرقش
اغمض افتح برضو مفيش
وحيات عنيكو متستعمونيش
| |
|
دلوعة المسافر
مشرف عام
الابراج: : 
الأبراج الصينية: : 
تاريخ التسجيل: : 08/05/2010
عدد المساهمات: : 144
عدد النقاط: : 5654
المزاج: : 
الاوسمه: : 
التميز : 
| | موضوع: رد: قصيدة متستعمنيش لكل انسان ينظر لمن اعيق بعدم البصر بانهو كفيف ولا يرى الإثنين نوفمبر 22, 2010 3:05 pm | |
| | |
|
نغم_الماضى
شخصيه هامه
الابراج: : 
الأبراج الصينية: : 
تاريخ التسجيل: : 26/12/2010
عدد المساهمات: : 91
عدد النقاط: : 5190
المزاج: : 
الاوسمه: : 
التميز : 
| | موضوع: رد: قصيدة متستعمنيش لكل انسان ينظر لمن اعيق بعدم البصر بانهو كفيف ولا يرى الأربعاء ديسمبر 29, 2010 9:05 pm | |
| [color=blue][ تعرف لو فتحت ثوانى .... حتى ان كنت راح اتعمى تانى راح اغمضهم بقى بمزاجى اصل الضلمه مليا كيانى راح توحشنى بس النور مبيوحشنيش /color] تسلم ايدك جو قصيد رائعه ساعات الظامه احسن الف مره من النور  | |
|
